Еректилна дисфункција

Што е еректилна дисфункција?
Еректилната дисфункција (ЕД) претставува неможност на мажот да постигне и/или одржи цврста ерекција на пенисот неопходна за задоволителен сексуален однос.
ЕД е чест феномен на процесот на стареењето
Во 1995 година, било проценето дека 152 милиони мажи ширум светот на возраст од 40 до 79 години имаат ЕД, а се очекува таа бројка да се зголеми на 322 милиони до 2025 година.(1) Според Розен и соработниците, 16% од сите мажи на возраст од 20-75 години се соочуваат со проблемот на еректилни потешкотии. (2) Честотата на еректилната дисфункција е директно поврзана со напредокот на возраста, а сигнификантно расте кај мажите над 50 годишна возраст. (1,2)
Табела 1. Преваленција на ЕД2



ЕД може да е поизразена во присуство на други придружни заболувања. Пореметената сексуална функција често претставува ран знак на нешто посериозно(3), како на пример, срцево заболување, покачен крвен притисок и шеќерна болест. Овие придружни заболувања прераснуваат во типични симптоми на нашиот модерен стил на живот и бројат голем процент од популацијата: 64% од мажите со ЕД независно пријавиле најмалку една од тие заболувања/состојби.(2)
Табела 2. Состојби со кои е асоцирана ЕД


Влијанието на ЕД на квалитетот на здравјето на мажот
Мажите над 50 годишна возраст имаат многу повисок ризик, но многумина од нив не се свесни за тоа. Како и да е, еректилната дисфункција може да направи пустош во животот на мажот. Истражувањата покажуваат поврзаност со депресијата, самодобервата, слаба слика за самиот себеси и прекинување на интерперсоналните врски.(4) Според досега најголемата спроведена студија за однесувањето на мажите во животот и сексуалноста, 25% од мажите со ЕД имале знаци на депресија и анксиозност; и обратно, 26% од мажите со депресија и анксиозност поседуваат ЕД.(5)
Tретман на ЕД
И покрај прикажаната преваленција, ЕД останува и понатаму честопати недијагностицирана и нелекувана. Од вкупниот број на мажи со еректилна дисфункција, само околу 30% од нив побарале третман од доктор, а уште помалку мажи пак користат некаков лек.(6) Денес третманот на еректилната дисфункција е во голем напредок и повеќето мажи со ЕД сега веќе можат мошне ефикасно да се лекуваат. Постојат неколку можности, а пациентот ќе има потреба од висок степен на поддршка за изнаоѓање на најефикасниот третман. Можностите за лекување се состојат од орални таблети (ПДЕ-5 инхибитори), вакуум еректилни помагала, психотерапија и хормонска терапија со пенилни инјекции, хируршки интервенции и импланти (имплантација на пенилни протези).